قصيده بمناسبة مقناص الحدود الشماليه حفر الباطن

قصيدة بمناسبة مقناص الحدود الشماليه حفرالباطن

واهدي هذه القصيده الى شامخ فضي ابوبندر , فيصل سعد ابو رسيل

يا زين طرد القطا والارض قفريه

باقصى العلنداه وانته في خلاً خالي

من فوق جيبن وطرده من ورى الميه

حذف الحصى وسط عجه تقل زلزالي

عليه فيصل وابو بندر وطرقيه

وساعه السابعه عثنا بلجوالي

حطيتبه خمس من صنع البُلنديه

وحذفت انا غترتي والحقتها اعقالي

ومع طلعتي ابندقي يوم التفت ليّه

قال ارم قبل وصول الحزم والجالي

واول مطاريدنا عشرين كدريه

من غير شيّن صويب ولا تهيالي

وميلت في روضتن خضرا رومنسيه

متخالط انوارها الوان و اشكالي

وسويت فنجال من خولان بريه

تطرد عماس التعب في فنتقن خالي

وانا اشهد ان الوناسه علاج نفسيه

لو ما معك شي عدّك جامعن مالي

واخص فيها القلوب اللي هواويّه

اهل القنص متعبين الموتر الغالي

الشاعر/عايد مفضي العجوني الرشيدي ابو يوسف

صح لسانك يابو يوسف
شاعر مبدع ومتمكن

صح لسان الشاعر

قصيده جميله صح لسانك على هالابيات الرائعه وبيض الله وجهك

صح لسانك على هالابيات الرائعه

صح لسانك يابو يوسف وبيض الله وجهك على القصيده الرائعه

يعطيك العافيه

صح لسانك يابو يوسف
شاعر مبدع ومتمكن

صح لسانك يابويوسف وبيض الله وجهك

صح لسانك قصيده جميله

قصيده جزله صح السان شاعرها وبيض الله

صح لسانك يابو يوسف وبيض الله وجهك علي الابيات

صح لسانك يابو يوسف وبيض الله وجهك

صح لسانك ياعايد قصيده رائع والمقناص كذلك مبدع يابو يوسف تقبلوا مـــــــــــرورى