قصيدة الشاعر مرزوق بن عجوين ابو خالد

لاضاقت فجوج الوسيعة وحسيـــت=بان الجهات الاربعة ضيقهــن زاد
ومن ضيم هالدنيا وغثى العمر جريت=تنهيدة الي طق بيديه الاصفـــاد
واصبحت بين الناس حياً كماالميــت=لاطاب لك زاد ولاطاب مرقــاد
فنص الذي له بين كل العرب صيـت=من بعد ربي يزبنه كل نشـــاد
شيخاً ليا كبرت علـيك وترديـــت=وقامت تحرى طيحتك بعض الاوغاد
وقف وقال بعز وجهـي وحليـــت=في ذمتي ما يلحقك هرج نقــــاد
ارتك على جال الجبل لا تراكيــت=عد الروي منصى لمن كــان وراد
لاقيل منهو قل على طول مااوحيـت=باللي جمع عز المكارم والامجـــاد
عتيق ابن عجوين هو ذايع الصيـت=رمز الفخر لاعددوا روس الاشهـاد
الضاري الضرغام ليث العناتيــت=شيخاً ولد شيخاً له العلم ينعــــاد
ليا وقف وقفة شجاعاً وزنكيـــت=وليا هرج برقاً تقفاه رعــــــاد
انشد وتنبيك العوارف ليا جيـــت=عن طيب من طيبه على الناس يزداد
ريف الضعيف الي حياته تناهـيـت=وعون الوحيد الي توجد توجـــاد
ديوان بيته يحتفي بك لايا جيــت=وبابه يرحب لا لفى الضيف نشــاد
مشيخته ماهي بكثر التصاويـــت=ولا بدفعة مال وحدود وبــــلاد
لا والله الا يوم ذيك المفاليــــت=يوم القبايل بين طارد وطــــراد
هذا ولد من لا احتمى الهوش زنكيت=الي سنا طيبه وصل حد بغــــداد
هذا الصحيح ولا يبي زود تثبــيت=اقولها بشهود وعلوم واسنـــــاد
دامه هنا رمزالفخرذايـع الصــيت=شوفته عندي تعتبر مثل الاعيـــاد

صح السانك يابو خالد وبيض الله وجهك

صح لسانك يا ابو خالد وبيض الله وجهك

بيض وجه الشاعر مرزوق بن عجوين وشكرآ على النقل اخوي كريم بن عجوين

صح السانك يابو خالد
مشكور على هالنقل

صح لسان الشاعر مرزوق وبيض الله وجهه ويعطيك العافيه اخوي كريم

صح لسان الشاعر المبدع مرزوق ابن عجوين
شاعر يكتب بصدق بمن يستحق عبارات المديح الشيخ عتيق بن محمد بن عجوين (متعه الله بالصحة والعافية) .
شكرا لك ياكريم على الأختيار الجزل

شاعر بمعنى الكلمه

ويستاهل الشيخ عتيق ابن عجوين

صح لسانك ابو خالد قصيدة جزلة
ويستاهل المدح ابو خنيفر
ومشكور ابو بكر على النقل

صحت ابدانكم ولاهنتوا وشكرا على مروركم الرائع وتقبلوا تقديري واحترامي

صح لسانك يابوخالد على. القصيده الاكثر من رائعه ويستاهلها الشيخ عتيق بن محمد بن عجوين واسأل الله الكريم انه يشفيه ويخفف عنه

المشاركة الأصلية كتبت بواسطة سعد ملفي بن عجوين

صح لسانك يابوخالد على. القصيده الاكثر من رائعه ويستاهلها الشيخ عتيق بن محمد بن عجوين واسأل الله الكريم انه يشفيه ويخفف عنه

صح بدنك ولاهنت يابو اسيل على المرور

صح لسانك يا ابو خالد وبيض الله وجهك

المشاركة الأصلية كتبت بواسطة حمود عبيدالله العجوين

صح لسانك يا ابو خالد وبيض الله وجهك

صح بدنك ولاهنت يابو عبيدالله وكل الشكر على مرورك الرائع

صح لسانك يا ابو خالد وبيض الله وجهك