من قصائد الشاعر الكبير / حامد ابن عجوين

بديت ذكر الله على ختم ريقي=رب العرب راع المتوع القويات
حيث ان من يبديه مايستضيقي=ارجي عساه يعوضنا عقب مافات
نصيت عقب ابوي نضايض صديقي=عيال تجذبهم جدود عريبات
يفرح حجاج اللي بثرهم يويقي=عادات اهلهم يدركون الجميلات
اولجت باغٍ دربكم ياعتيقي=والرجل عاقتني غداء عضمها اشتات
لجيت ابا اقف جا برجلي طقيقي=ابا المشاغل والمراجل عسيرات
ربعٍ سوالفهم علينا يشيقي=واليوم ماتسمعلهم حس واصوات
يوم الردي وجهه تقل وجه قيقي=لشافني صابه بوجهه ظلامات
متحيزا عن الردى مايفيقي=لارجيه لاحيا ولا بكيه لو مات
عيفيه يالطامح خطات الفريدي=وحثي عليه من الوطى سبع حثيات
صدي عنه مثل الاذى بالطريقي=مايستوي للي ثمانه عذيات
لا واهني من فارقك ياصديقي=على فروت روحن وهن عجلات
اليانباله مع حمادٍ يويقي=يشدى لنجم طالع عقب غيبات