يا الشمري هذا كلام الرشيدي

بسم الله الرحمن الرحيم
قصيدة الى الشاعر // سلطان رجاء الشمري

هاض الضمير وصار للشعر عنوان=واستحضر الخاطر وحضر قصيدي
مشاعر الشاعر على قلب واللسان=يدفع لها قلبي بمجرى وريدي
وانا بحر شعري له اشكال واللوان=يزيد في صدري وشعري يزيدي
وشاطي بحر شعري رسم غربه انسان=وسفينة احلامي مداها بعيدي
رحلة تجارب كلها خوف واخزان=نهايتي فيها بدايه جديدي
فيها غرام احباب واعداء واصدقان=والها نزيل قلوب والها شديدي
ودخلت في كل المراحل على شان=اروي ضمى قلب العنى واستفيدي
وطلعت ظافي من دخولي وتعبان=انقل خطر روحي لروحي وبيدي
والواقع التايه مثل كان ما كان=دنياء ما تملكها بمان ورصيدي
دنيا شقاء والموت ما دونه امان=ترحل بك ايامك لحالك وحيدي
لا درهمً ينفع ولا فلان وافلان=انت ونصيبك بالنهار الزهيدي
الله يامن من مقادير الازمان=والله قادر وفاعلاً ما يريدي
والعرف عنوان المعرفه يا سلطان=وانت محسوب بعرفنا يالسويدي
ولاهو عن اهل العرف قصراً وحقران=كلاً على عرفه ورايه سديدي
غيري وغيرك له تجارب وبرهان=متعلمً فيها الشقي والسعيدي
وتحيتي تاصلك من غير نقصان=يالشمري هذا كلام الرشيدي

الشاعر / عياده محمد العجوني الرشيدي