قصيده بزواج الاخ عبدالعزيز سعود بن عجوين...

اسعد الله مساءكم بكل خير هذه قصيده قلتها بزواج اخوي عبدالعزيز بن سعود بن عجوين.

بسم الرجال مطوعه كل عيال=اهل الوفا واهل الفعول الجزيله
اللي لهم في ساحه العز منزال=ووجيههم عند النشاما طويله
اهل الحجا لاعدت اقوال وافعال=واهل المحل اللي يزبن دخيله
يشهد لهم في طيبهم كل رجال=ولاذمهم الا ردي وهميله
قوله نعم في حقهم صدق تنقال=مادوروها بالحيل والوسيله
وقفاتهم لاوقفوا عز واجلال=وفزعاتهم تشفي النفوس العليله
رفعت لهم بيضاء من الجال للجال=يوم الرجل يادوب يلقى حصيله
هنا الكرم لاقفلت دور الانذال=وهنا مقر الطيبه والنفيله
ومن شانهم لو اقطع اميال واميال=ماهي على شان الجماعه طويله
اجي واجيب من النوادر والاقوال=وابدع لهم عذب القصيد وجزيله
حي الله اللي شوفهم يشرح البال=اللي غلاهم بالضماير نشيله
على هلا ومن بعدها فال وعقال=والعود الازرق للوجيه الفضيله
بضيافه اللي لاتزعزع ولامال=ضلعن لياحتجنا المكارم نجيله
صميدعين لثقيلات شيال=ضاري على شيل الحمول الثقيله
عبدالله بن حمود والعز لازال=يرقا على متن السحاب ويجيله
بين النشاما للكرم مضرب امثال=مكارمه مصدر فخر للقبيله
فطره من الله ماهي بزيف خبال=والا مدور من وراها جميله
لاوالله الا قول مقرون بافعال=لياهفا راع العلوم الهزيله
ماهو من اللي همهم روس الاموال=تبت يدين اهل اليدين البخيله
يذبح ولو مايملك جنيه وريال=اهم حاجه ماتجيه الفشيله
بيته لعصمان الشواريب مدهال=مدهل فخر ماهوب جحر بخميله
لاجيب ذكرك يابيض الوجه بالحال=قالوا نعم والنعم لجلك قليله
وياعم دام الراس باقي ولازال=ماحط من فوقه حصاه ونثيله
والله لماريبك على مر الاجيال=واحرق كبود اهل الكبود الغليله