قصيدة الشاعر/ دغيم حامد ابن عجوين بحفل زواج الاعلامي / خليل محمد الخياري

لبيه يا دعوة عزيز وغالي=شخصً عزيز ودعوته عندنا غير
لجتك دعوة من رفيقٍ موالي=لا تردها لوهي ورى جبال كشمير
دعوة رجالن يحتمون التوالي=ربعن لهم عندي معزه وتقدير
اشفق على وصلت زحول الرجالي=وش عاد لو طالت علي المشاوير
رجلن على شانه نسوق الرحالي=ورجلن اكبه لو عطاني دنانير
الطيب ما يشرى بخشم الريالي=وهبه من المولى عزيز المقادير
وخليل من ربعن تشيل الثقالي=وصله علي واجب ولابه معاذير
من روس قومن لا احتمى كل صالي=لشبت الهيجاء وصارت مغاوير
خيارات لجاء العلم فيه حتمالي=لا لولشن فالحرب بيض الغنادير
صديقهم دايم وهو في العلالي=وعدوهم في قدرة الله معيثير
فبيوتهم تلقى علوم الرجالي=والعود الازرق والدلال المباهير
سلملهم من يوم قل الحلالي=من يومهم بدٌون خلاف المظاهير
وانا من اللي يكرمون السبالي=البيض للعجوين وقت المعاسير
اللي ذكرهم في القصيد الشمالي=ذكرن يفوق الشعر هو والتعابير
لجيت بن عجوين يرتاح بالي=محمد الاول معش الخطاطير
علمن يصل بعض الرجال الهزالي=اللي تشكك في فعول الاساطير
صلاة ربي عد وبل الخيالي=على نبين بشر الناس تبشير