من شان عين وعين...

من شان عين وعين ندمح خطاوي=ونخفي علامات الزعل لجل غالين
من خوف لاتكثر علينا الدعاوي=ونصير لعبه في يدين البزارين
اهل النفاق محرفين الحكاوي=ناس(ن)على كسب الرديات ضارين
فارقت قوم النمنمه والغثاوي=وسمعي قفلته عن هروج الضعيفين
اللين جاني هرج خبل هباوي=يخثرق علومه ولاادري على وين
يقول وش فعل العديم النداوي=وش موقعه لاحل وسط الدواوين
مدري حسد او خبث والا عماوي=والا سفيه محرضينه خسيسين
قالوا تقدم وانت سيلن نحاوي=وصدق وجاك الخبل ينطح ضلاعين
مايدري انه مثل طير الحداوي=عايش على الحرجه ولقط الخلاقين
ياهيه حذرا لاتطيح متساوي=واشرشحك بين البشر يامسيكين
هذاك عند الناس عدن رهاوي=معروف طيبه عند الاقصى والادنين
ذكره ينومس كل رجلن حماوي=مجملن ربعه طليق الحجاجين
دايم على فعول المراجل شفاوي=لاجيب ذكره قيل نعمن ونعمين
والا انت كفوك لابسات الغطاوي=دايم ردي يابارد الوجه والعين
لاجيب ذكرك الحقوك الدعاوي=لاكاسبن دنيا ولاكاسبن دين
وش جاب بشت الشام عند الحساوي=وش جاب فرخ الحر عند ام عرفين
عدل مسارك لاتضيع الخطاوي=ولاتعترض للحر ياخايب البين
انا فداله كان صارت عزاوي=وانا حزام الحر وسط الميادين
لني من اللي يبعدون الهقاوي=ماني من اللي يرد ليسار ويمين
ومن شان عين وعين ندمح خطاوي=ونخفي علامات الزعل لجل غالين