الهجوس اللي بصدري لها حنه
لبغيت أرقد عن النوم تحداني
أتضايق وأزعج الصوت باللونه
وارفع الأصوات يالله لا تبلاني
ذبذبات الصوت عندي لها خنه
من كثر ماعزف بزينات الألحاني
كل طرقٍ نطرقه عارفٍ فنه
آه من شيٍ على البال سراني
دن نجر الكيف يا صاحبي دنه
صاحبك للكيف مضرم وعمساني
لا يزيد الكيل عنه هيله وبنه
أوزنه بالحيل ياذرف الايماني
خاطري عمسان يمكن يداونه
لي ثلاث أيام ضايق ومرضاني
ياوجودي وجد من خان به ضنه
واقفٍ محتار ملهود ويعاني
حولوه عصير والهجن سجنه
واتركوه بدار قوم وعدواني
بوسط المصياف في حزة الكنه
حافي الأقدام جايع وضمياني
اتركوه ايام محدٍ نشد عنه
وصار عنده صبر بالقلب وإيماني
وعاضه اللي يعطي النار والجنه
ربي اللي عالم بسر الإنساني
الاله اللي له الفضل والمنه
العظيم المعتلي عالي الشاني
الشاعر لازم العجوني