يامل قلبٍ مَرقب الرجم له شف
مرقب عسيرات اللواميح شفه
وأخيل براقاً مزونه تكاشف
نوه صدوق ورحمة الله تضفه
جعله على مديسيس يمطر ولا كف
يأخذ ثلاث أيام نوّه ما كفه
يسقي معاويداً سرِي بيّرهن جف
من الظما غريسهن فيه لفه
من أولاً نجني ثمر طلعهن صف
متناظرات وكل أبوهن بصفه
مرحوم ياشيخٍ غرسهن وشرف
شيخٍ شجاع ومعه ميزً وعفه
من شوفهن عقلي يا ابومالك أختف
ثقيل لكن صار بالعقل خفه
أقفن مع الطيب ومحصولهن هف
والعمر لو يبطي سريعاً مهفه
شيخاً على الصدقان مايرفع الكف
وعلى العدو يالقرم مسموم كفه
هزاع ميقافه على العز يعرف
ياقف مع الملهود ويصير صفه
ابن العضيبا هرجته ماتحرف
مهو من اللي لا نطق هرج لفه
هرجه كلاماً صدق ماهو مزيف
والا الضعيّف كن هرجه يدفه
الشاعر /لازم العجوني