قصيدة الرجال طيور للشاعر \مرشد البذال

قصيدة الرجال طيور

السلام عليكم


هذي قصيدة الرجال طيور وهي حكمه

للشاعر الكبير \\\ مرشد البذال ..

يقول ::


الرجال طيور توصف للأحــــرار *** وكل طير في جناحيه يطيــــــــر
وين طير يحتري له كل جــــــــار *** وين طير يذعـره صوت الصـفـيـر
وين طير لا نهض شق الستــــــار *** وين طــيـر مايــصيـد إلا الشذيــر
لو تقول إن الشجاعة بالـطيـــــار *** كان فضلنا القطــا عن كـل طيــــر
الــنـداوي لـه علــى الفـعـل اقـتـدار *** والحـمامــة بالـمحـارم تستديـــــر
و إن جهلت الزين والجنس الدمــار *** انـشـد اللــي في معرفتهن خبيـــــر
افـتهـــــم مـنـــي كلام باختصـــــار *** فرق بين الصوف من سلك الحرير
لا تــرابــع واحــد بالــعهـــد بــــار *** وان وفـــى مـــرة فهو خير كثيـــر
التـجـــارب خلـهـــا لك مسـتـشـــار *** لا تبـــي غــيــر التجارب لك شوير
لا تــجــي مـدخل ايدينه بالخبـــــار *** مالـقـــى صيده لقــى داب ضـريــــر
وقـــر العالــــم وتلقـــى لك وقــــار *** وان حـقـرت احـقــرت لـو انك أمير
والقـناعــة مرجله والضعف عــــار *** و اطلب النجدة من الوالــي القديـــــــر
لا تجـــي للنــاس طلباتك كثـــــــار *** كــل ديــوان تجــــي يـمـه مغيـــــــــر
مـاخـبـرنـــا في هل الشحذة تجــــار *** غــيـــر فـقـــرة كـــل نفس له تعيــــــر
الكــريــــم معـــان والفارس مجـــار *** معطــــي الــواجب ونـطــاح الذخيـــــر
والغنــي بالــبذل مــافـيـه اشتـهـــــار *** والـفـقـــر بـالـعـــز لا مـجـادك يغيـــــــر
مـرقــدك بالـعـــز في حـــزم القــرار *** يـنـتـفـضـــل بالــمعـزة عــن ســريــــــر
الـغـنــي بــالنفــس مــاهو بالـــصرار *** كــم غـنــــي سـمعتــه سمعــة فقيـــــر
لا تقـــول فـــلان يـملك لـــه عقــــــار *** لـيـــه أنا مـــا أدركت مـثلـه وأصير
واحـــد مـعـطيـــه مـــاهو فيــك جــار *** لا تـجــي لأحوال خــلــق الله نظيـــــــر

الله يرحمة من اساطير الشعر

مرشد لايقل عن صقر النصافي شعريا عمالقه قلما تجد لهما مثيل شكرا على نقلك

مشكوووووور والله يعطيك الف عافيه

قصيدة حلوه فيها الكثير من الحكم الله يعطيك العافيه على النفل

شكرااااااااااااااااااا

اشكر مروركم على موضوعي

قصيده جزله من شاعر غني عن التعريف والله يعطيك العافيه يا ابو حمود على هالاختيار الطيب امثال مرشد البذال

صح لسانك ولسانه ويعطيك العافيه علي القصيده

يعطيك العافيه على المشاركه

تقبل مروري