وقت المجامل تعدى وش نجامل له؟!!!

ثلاث مرات أجامل وأدمح الزله
وأضغط على غيض نفسي واتناساها
وأثر المجامل يهين الرجل ويذله
لو كان من عصبت(ن) ما تقصّر لحاها
ماني بدكتور لكن بانت العله
بقلوب ناس(ن) عرفناها وكشفناها
ياللي تروم المراجل وش تمرجله
المرجله ودها رجال يزهاها
صيت المراجل تعلى منت كفوله
المرجله روحت منته بوياها
واللي يدور علومٍ غير مضحله
أخصامنا بالقشر ماندّور أرضاها
حنا رجال(ن) نعقد الحبل ونحله
وأخصامنا حبلها ينشب بعلباها
ويامل رجلاً يذم الناس يامله
وده يهمش رجال(ن) طالت خطاها
من عادت الصقر لدلى دمه يشله
من ضربته صيدته تجمد بمثواها
وقت المجامل تعدى وش نجامله
وبيراً مغطى كشفت اليوم مغطاها

الشاعر لازم ظاهر العجوني

الله الله صح لسانك عللى نقل هالرائعه يابونوران ابوعادل شاعر كبير وهذه القصيدة تدل على ذلك