يا مرحبا والبيت بالقاف موزون
ترحيبة(ن)ماهي عليّه كلوفه
في محفل العضبان حاظر وممنون
انوب بالمحفل واحيء ضيوفه
ومبروك يا خالد من القلب مليون
يالنادر اللي كاملات(ن) وصوفه
جدانك اللي بالمواقف يروعون
وقفاتهم عند اللزوم معروفه
اخو تياده سيف(ن) اجرد ومسنون
يضرب على الموت الحمر لو يشوفه
وان قلت يا ثنيان فارس ومامون
لك وقفت(ن) عند الملاقا مخلوفه
مدخل دخيله يوم طاعن ومطعون
يوم العداء من كل صوب(ن) تحوفه
علم(ن) مؤكد ماهو قولن يقولون
حقايق التاريخ ماهي محذوفه
واللي يغطي كلمة الحق ممهون
يا عزتي له والهبايب تلوفه
بلشت انا مابين صاحي ومجنون
كل(ن) يكن البغض في وسط جوفه
وزيدان والا مزيد شجعان ما تهون
اللي عقد واللي مجرد سيوفه
ومحمد اللي بالمواقف يطرون
فارس جواده للطراد معسوفه
والعجوني دايم على العز ما يخون
متكاتفين مع الزمان وظروفه
بني رشيد ابطال لقيل تكفون
لامن طبل الحرب دقت دفوفه
وصلاة ربي عد خلق(ن) يلبون
على النبي عد الكتاب وحروفه
الشاعر؛ لازم العجوني