انا أميز بالمخاليق واعتاض
لي سكتي ماني بتباع جره
واضح ولي صدر نزيه وفضفاض
راسي دواليب الدهر ماتفره
حطيت لأظفار العداوات مقراض
دام الوصخ حق علينا نثره
لان ماوراها الا السخافه والامراض
ثوب احترام الناس للناس زره
ماكلبو أعراض ترى يعني اعراض
اللي يتغاضى زود حذرا تحره
مناكب الدنيا طويلات واعراض
الله بسط لك عن وذا الضيق بره
لو تفرش الانفس نواوير ورياض
تلقى على الأموات ناس تشره
ولاتعادي الاقراب لو الزعل فاض
عداوة الاقراب باللحيل مره
وابعد عن اللي كل هرجه بالاعراض
ابعد من حدود السما والمجره
واللي ليا اغتاضت حليلته يغتاض
دام الدروب وساع والعمر مره
واللي تشكل لك تقل سلة اغراض
لو زان لك خيره تقفاك شره
ولاتخيل برق فوق هاك الوطن ناض
يجوز عساس المطر مايسره