للنار شبابة وللخيل خيال
سلم الرجال أهل الظفر والعزيمة
والشك والغيرة ترى سلم الأنذال
عاشوا على علم الردى والنميمة
بعض البشر لو يضحك السن حيّال
الناس تدري عنه ماهي غشيمة
والناس تعرف فعل ماضين الأفعال
أهل النوايا الطيبات السليمه
جربت في ممشاي بأقفّاي وأقبال
وكشفت غايات القلوب السقيمة
تجاربٍ فيها ترى نحط معدال
وعيبٍ على رجلٍ يحب الظليمة
واللي ماعنده مال يا مكاف الأحوال
يصير ماله يا أهل العرف قيمة
لو كان من ربعٍ عواريف وأبطال
يشمت به اللي يستحب الشتيمة
والموت ما يخليك لو العمر طال
ولا أنته مخلد بالحياة النعيمة
لو كنت عايش مع جراهيد وأطلال
لا يعجبك طرق الهوى مع نسيمه
واللي ينقنق في علومه ولا زال
أبيّن أسمه وأرتكب به جريمه
الشاعر : لازم العجوني