الشاعر سعد ملفي العجوني وقصيده من العيار الثقيل

07-26-2012

قصيدة للشاعر المبدع سعد بن ملفي بن عبدالرحمن العجوني الرشيدي , قصيدة رائعة بروعة معانيها
كتبتها أثناء إلقاء شاعرها لها في أحد المحافل وكان ذلك على عجل وأعتذر إذا وردت أخطاء هجائية أو لفظية :

ربعي كعام القوم لاثار دخان=سقم الحريب اللي تحرى حليفه
ماقد تحالفنا مع فلان وفلان=بني رشيد أهل السيوف الرهيفة
غلطان يامسكين والله غلطان=ماهو كذا قول الرجال الشريفة
مانعيل لكن لاأستوت جاء لنا شان=لابو العرب لابو الخوي والوظيفه
أللي مقدرني ولو كان من كان=ماني مبرر له ولاني رديفه
ربعي هل الوقفات في وقت الأكوان=قوم ٍ مثل شم الجبال المنيفة
ربعي هل المعروف في ماض الأزمان=ربعي مشيمة القصير ومضيفه
ربعي لهم في صفحة الطيب عنوان=ربعي حرار ياخطات الهديفه
يوم الصباح مبارك أرتد دسمان=ربعي سيوفه ماأطمعو بالنصيفه
ردوا له الحكم وعلو تقل عقبان=واللي طمع بالحكم يمسي معيفه
والفيصلي يومه مشاء معه الأخوان=حر ٍ شلع من نجد جاء له وحيفه
سبعة بيارق ربعنا مع كحيلان=قوم ٍ ماجاء بقلوبها أدناة خيفة
ويوم العرب تقلب على الدار عدوان=صاحوا مفرقت الوليف أو وليفه
في وسط كسلا لو بلدهم لنا خان=لحقت حمياهم وهم تحت سيفه
حنا هل الخوه إذا بار خوان=كان العفن ماطاب حتى بضيفه
يقوله اللي شيخه إن صد صد وبان=يوم الهلامة دس باقي رغيفه
وجدي ولد عواد كان الفخر حان=لاقيل أبن عجوين شوق العفيفه
هرج السعه واجد على غير برهان=وتبقى عيون أهل الخباثه كفيفه
مانلتفت دام المدى كله لسان=وأليا أستوت ماهي علينا كليفه

الشاعر سعد ملفي العجوني