ياتل قلبي

ياتل قلبي كل ماشفت زوله=تل اشقر شاف الحباري وردوه
الارض وعره والحباري جفوله=واليوم له يومين من يوم عشوه
نزر ولطلب مايثني ميوله=والخوف لاهدوه ماعاد شافوه
على اللذي لو كان غيري حبوله=أبعد من الجوزا على اللي تمنوه
العين نجلا والحجاجين هوله=والحشم يشدا اللي على الحق سلوه
الغيد عقبه مثل ماطى رجوله=ولاهوبلاحقني على الحب مشروه
الله ياملحه وعنقه ولوله=والجمرتين اللي مع الزين حلوه
اليااعترض مثل المهار الجفوله=واليامشى مثل الحمام وتحلوه
غرو يعانقه الغنج والطفوله=الله يحفظ خطاه عن كل مكروه
شعر الغزل يزهاه عرضه وطوله=وان قلت به بيت على طول غنوه
لاهو بلاحولي ولاني بحوله=لاواهني اللي منه كل ماجوه

صح لسانك ابو اسيل ابيات جزله وسلسله اطربتنا ونطمع بالمزيد

صح لسانك ابو اسيل ابيات جزله بيض الله وجهك ومشكوووووورعلى النقل

صح السانك وبيض الله وجهك

صخ السانك ابو اسيل ولاهي غريبة الجزاله من شعرك

الله يعافيك يالعجوين تسلم صحت ابدانك انشالله أني ارتقي لذائقتكم

الله يعافيك ياحمود تسلم يالغالي

صحت ابدانك يابو حمود ووجهك يالغالي

صحت ابدانك يابو هنادي تسلم يالغالي

صح لسانك ياعصابه راسي وبيض الله وجهك والله اني لاسمعت قصيدك شاش راسي

يابعد راسي يابو خالد ماعليك زود بيض الله وجهك

صح لسانك يابو اسيل والقصيد الجزل ماهو غريب منك الله يعطيك العافيه ولا يهون ابو خالد

ماعليك زود يابو يارا ماعليك زود جعلكم ذخر صحت ابدانك لكن تراني طالبك تنزل قصيدتك بيارا الله يخليها لك

ابشر يابو اسيل غالي وطلب رخيص

صح لسانك ابو اسيل ابيات جزله