هذي أبيات قديمه حبيت انزلها لكم في شاعرنا العزيز دغيم بن حامد

10-03-2013

ياهاجسي غيم براسي وديم=عطني من الندر خوات المفاريع
عطني من الندر ابمدح دغيم=عطني من اللي كالسيوف البواتيع
ودي أقول الحق لوني غليم=دامي اعرف العلم ماوالله اضيع
اغني على البايه سليم سليم=وأهل النظر اسمع لهم دوم واطيع
امدح زحول رجال ما امدح حريم=صملة سعه وان دخنت ذبو الريع
ترى الرخم ما تنفعك لو تليم=ما تجيب صيد من الولايش متاريع
والحر لوانه علا ثم غيم=في هدته مايشغلنه مراييع
آليا كبرت دعواك والناس عيم=عجزت تلقى من يحل المواضيع
رح يم ابن عجوين قرم يشيم=ماهو بخبل يلوع الكبد تلويع
يوم الرصاص وعج الإرهاب خيم=تشهد جروح ماوراها مطاميع
ان قفلوها معك والراس جيم=انصه وتلقى من يسنعك تسنيع
ياحي ناس للمراجل تهيم=وأصبح نباهم كالنجوم اللواميع
شف اللذي من جور وقته تضيم=ترث الشيوخ منزحين الطماميع
جملتني يوم النشاما تليم=لاقيل ابن عمك بعيد المطاليع
رفعت راسي يابن حامد دغيم=يانسل من يمشي له القاف ويطيع