العودة   الموقع التاريخي بني عجوين > .:: المنتديات الأدبية ::. > دواوين الشعراء > ديوان الشاعر لازم الرشيدي

إضافة رد
 
أدوات الموضوع انواع عرض الموضوع
قديم 09-22-2018   المشاركة رقم: 1
المعلومات
الكاتب:
اللقب:
الاعضاء
الرتبة:
الصورة الرمزية
 
الصورة الرمزية ناصر العجوني

البيانات
التسجيل: Jul 2012
العضوية: 22
المشاركات: 696 [+]
بمعدل : 0.30 يوميا
اخر زياره : [+]
معدل التقييم: 7
نقاط التقييم: 11
ناصر العجوني is on a distinguished road
 


التوقيت

الإتصالات
الحالة:
ناصر العجوني غير متواجد حالياً
وسائل الإتصال:

المنتدى : ديوان الشاعر لازم الرشيدي
Mumayaz ردية بين الشاعر لازم العجوني والشاعر فليح سعود الرويضي

قال الشاعر فليح سعود الرويضي :
قلبي اللي له ثلاث ايام مهو صاحي
ضيق الصدر بلفيحه كيف اداو العله
قلتله وش فيك قمت تبعد المسراحي
قال عندي عقدٍة ماعاد هي منحله
يوم شفت الدار من جرد اليالي ماحي
كن للقلب المهوجس غالين غادله
يوم راح اللي سكنها ماني بمرتاحي
يوم غاب الشيخ صارت بالمكان الشله
راكب اللي لاركبته يبعد المصباحي
سايقه لاحط رجله ماتجيبه الذله
ادهمٍ هو منوت اللي مابغى الامراحي
حاصلله من جهت خبل القرابه زله
دق سلفه سايقه قبل الفجر ينباحي
عن مطبات الملاوي سايقه صاحله
مرسلينه يم لازم كاسب الامداحي
من ذوي عجوين ربعن طيبين المله
حامل ن معه السلام وكلمت المصلاحي
لاهل البيت المروبع والنجر والدله
كد مدحهم قبلنا يوم السنين اشحاحي
طرقيٍ ضاف النزيل وطيبهم مامله
يابو عادل شفت براق المخيله لاحي
واتضح لي مابوسطه والنجوم مطله
وانت عندك للمعاني حكمةٍ وصلاحي
والشعر ومواصفات الشعر عندك كله
البحر موجه تعظم وابحل السباحي
قلت تكفى قال مالي قدرةٍ به لله
والعجاج اللي يصافق خسر الفلاحي
وان بقى بالوضع هذا طش سور الفله
من كثر ماوحيت مدري وش يقول مناحي
مير شكوانا على اللي عايشين بضله
الشاعر فليح سعود الرويضي
***************************
رد الشاعر لازم طاهر العجوني :
ياغزير الشعر حضر وأبعد الأشباحي
وأستبيح من الفرايد دقهن مع جله
كنت مرتاح الضمير وخاطري منساحي
لين حرك هاجسي خط(ن) لفى بسجله
هكذا العالم تغير والليال ملاحي
وراعي القلب المهوجس هاجسه مضحله
الرفيق الي كتم غيّضه وسده باحي
مرحبابه عد نو المزنه المنهله
قرب الي ما يداني لمسة المفتاحي
جيب لاندكروز يعجب سايقه لا تله
منوة الي همه بصدره ماهو منزاحي
ضايقاً صدره ويونس بالضمير الغله
نصه الي شعره يذكر ببن شلاحي
أبو محمد فليح شاعراً مرهله
الرويضات الدواهي فعلهم ما طاحي
فعلهم معروف يومن الفزوع مقّله
منكم الي بالمعارك يلبسون وشاحي
الرجال الي تنومس والرهيف تسله
يافليح لا تسمع صيحة النياحي
أركد أركد وأنت عاقل صل فرضك صله
الجروح أنواع فيهن يبلش الجراحي
والطبيب الي يعالج صايراً به خله
والبحر يوجد به الأسماك والتمساحي
لا تحاول تقربه والي يعزك قله
الهوا يالقرم ما حرك حصاة ارزاحي
ومن يبى التطبيل تال الوقت ما نطبله
والخيال الي تخايل بارقه لماحي
أنتحى وحلق الضوامي يابساً ما بله
وأنت أضنك يا فليح شاعراً مزاحي
ماعرفت المزح فيكم طبع وألا جبله
الشاعر لازم ظاهر العجوني












عرض البوم صور ناصر العجوني   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 09:55 AM


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. diamond
الموقع التاريخي بني عجوين