الطرف عيا لا يذوق المنامي
حلو الكرى يرقب عليه ويمره
أحسّب الأهات مدري علامي
وحكم القدر راضي بخيره وشره
وأنا على الشده جويدً حزامي
مايرتخي في ضيق وألامسره
ولا يتبع الهفواة حر(ن)قطامي
ينهض جناحه عن نزول(ن) يضره
ولا نستغيب أليّا نطقنا الكلامي
قلبي حجر ما كل واحد يفره
ولا نأكل إلا من علو السنامي
ماني من اللي شوف عينه يغره
وقت القشر سيفي يقص العضامي
وثوب الردي وقت القشر ما يزره
وأعرف مرّاوغة الحسود الحرامي
لو(ن) ماله يا أهل العرف جره
يضحك بوجهك تحسبنه نظامي
لا كن غثيث وصاحبه ما يسره
واللي على دينه وعرضه يحامي
هذاك طيّب ساس لله دره
الشاعر؛ لازم العجوني