بديت بأسم الله قبل أتكلم
قدام باب الشعر لا اطب سوقه
ومن بعد ذكر الله يا الهاجس اقدم
وأقطف من الشعر المصفى عذوقه
حب الوطن بالقلب يجري كما الدم
لا ضخ شريانه يغذي عروقه
هذي بلادي شوفها يبعد الهم
ام تضم أجيال ماهي زهوقه
فيها الأمن سايد وبالأمن ننعم
وأرواحنا لأجل وطنا سبوقه
حكم الشريعة ساد والكل يفهم
فيها المواطن مايهان بحقوقه
في ظل حكامٍ عن النذل تكرم
حكام عدل وبالمشاعر صدوقه
هذا الملك سلمان رأيه محكم
معرب(ن) صقر الجزيرة عموقه
سلمان سلمان الحزم لا تحيزم
عز الصديق ومن يعاديه عوقه
ولي عهده من يعاديه يندم
حراً شجاع (ن) والحميّه تسوقه
ولي ولي العهد لأهل الفتن سم
كبود عدوانه تموت محروقه
أنتم هل التوحيد والسيف الأقطم
عدوكم حلو الكرى ما يذوقه
آل السعود أبطال والحكم صارم
والشعب عاهد للولاء ما يبوقه
وجنودنا لأجل الشهادة تزاحم
لأجل الوطن ترغب على الموت فوقه
لأجل الوطن على المعادين تقسم
حبه لداره والشهادة تشوقه
الشاعر لازم ظاهر العجوني