يامرحبا بأسمي وبسم العداها
بسم العيال معربين الجدودي
عيال شجعان مايلحق مداها
لا زادت اعزوم النشاما تزودي
رجال يامن جارها في حماها
حلو نباها ما تغث الكبودي
الشمري صاغ البيوت وبناها
في جاره العدهي وفاه محمودي
نسمع ونذكر سيرةٍ له مشاها
علمٍ مؤكد مايبي له شهودي
والطيب وهبه والنشاما تباها
والبيت مايبنى بليا عمودي
قريحة الشاعر يبيح خفاها
لا صار بالميقاف قدح الزنوي
ربعي أجاملها وأدور رضاها
وأبذل على شان الجماعة جهودي
بني رشيد اللي عزيزٍ نباها
مكارم الأخلاق فيها معدودي
من روس عبس اللي سمت في سماها
تعرف مضاربها بكل الحدودي
على علوم الطيب سارت خطاها
عز الرفيق ويردعون الحقودي
وضيوفنا نبغى نكرم لحاها
على شحم مع هيل مع طيب عودي
شمر هل الردة مانجحد ثناها
حريبهم يبطي عظم ما يعودي
ضياغمن بالحرب تنحر اعداها
لا صار بالميدان لطم الخدودي
مع الظفر تعرف ويعرف نقاها
أنا أشهد أن شمر سلايل فهودي
شمر رجالٍ كايدة في لقاها
ما بالطنايا بالمواقف شرودي
الشمري يعرف لا دارت رحاها
كريم ومحنك ولا هو جحودي
الشاعر لازم ظاهر العجوني الرشيدي.