الموقع التاريخي بني عجوين

الموقع التاريخي بني عجوين (http://www.alagwain.com/vb/index.php)
-   ديوان الشاعر لازم الرشيدي (http://www.alagwain.com/vb/forumdisplay.php?f=112)
-   -   الله على وقتٍ مضى خابرينه .. (http://www.alagwain.com/vb/showthread.php?t=29162)

ناصر العجوني 05-18-2021 12:35 PM

الله على وقتٍ مضى خابرينه ..
 
ليا متى وانا حياتي رهينه
عجزت ألقى مخرجٍ للطواري
العمر روح وان زعّـلنا سنينه
كني عن الايام ماني بداري
هلي دموعك يالعيون الحزينه
هاتي على الاوجان كل العباري
درب الشقا صافح يميني يمينه
والله عليم مقبلات الجواري
على البحر عيت تقر السفينه
تلعب بها الآمواج صبح وعصاري
والصاحب اللي للزمن ذاخرينه
تغير ممشاه ذيب الغداري
ناسٍ بلا شي ٍتكنّ الضغينه
تكنها من دون شي وتماري
حلوٍ نباها والنوايا لعينه
لا غبت تطعن مثل طعن الشباري
الله على وقتٍ مضى خابرينه
حلاوته تذري عليها الذواري
يومٍ نجر البدو نسمع دنينه
وبيت الشعر تزهاه بيد الصحاري
هاك الزمن ياناس ويني ووينه
حالي على ذكراه يبراه باري
اقفى ولا يرجع بزينه وشينه
إلا أن ينسى الموت كاتب وقاري

الشاعر: لازم العجوني


الساعة الآن 12:21 AM

Powered by vBulletin™ Version 3.8.7
Copyright © 2022 vBulletin Solutions, Inc. All rights reserved. diamond
الموقع التاريخي بني عجوين