من روائع الشاعر مساعد الرشيدي

ضـــاق الغمام وفح صدر المزاريب
يالله بجاهك ياعليـــــم الغيوبي
يامنجيً يوسف من الجب والذيب
بحماك ياستر خفــــــايا عيوبي
صاحوا تناخوا دورو بي عذاريب
تجمعوا لــيــــــلة وزا سولفوابي
أثري مسوي بالقلوب الاعاجيب
وانا مثل وجة السماء نقش ثوبي
انا وسيع بطان راهي مطاليب
ماضيق لوشــــــانت نوايا دروبي
آرد وصدر واخذ العلم واجيب
ماني على طرش الرعاع محسوبي
بردت كبدى من قراح المشاريب
دوبي رويت من الشهاليل دوبــي
خليت للحاقد طشاش وحثاريب
يتوب ولا قلــــــــــــعتة لايتـوبي
شعرى زها بجباه بيض المكاتيب
شعرى على طرياه هبت هبوبي
شعري رسايل عيد طيب على طيب
شعرى لوى تلعات الاراقب صوبي
شعري شهد لة طيبين المجاذيب
وش عاد لو سود النوايا حكوبي
لوكان مالي غيرها من مكاسيب
ما ابغي شهــــادة ميتين القلوبي

مســاعد الرشــيدي

يعطيك العافيه على النقل وتقبل مروري

الله يعطيك العافيه على النقل

يعطيك العافيه على هانقل الرايع تقبل مرور

مشكور على النقل

مشكوووووور والله يعطيك الف عافيه

نقل رائع الله يعطيك العافيه واصل الابداع

اشكركم جميعاااا على المرور

يعطيك العافيه على المشاركه

تقبل مروري