ربعي بني عجويـن نعـم العوانـي

من أروع ماقيل في الفخر للشاعر المبدع مشعل بن لويفي العجوني في حفل العجاونه لتكريم منظمة عبس ورئيسها المهندس مبارك الدويلة والإحتفاء بضيوف العجاونه من مُختلف القبائل
__________________________

جزل القصيـد وساميـات المعانـي=اطرق لهن من هاجسي كل الأبـواب
وطلع بهن سطح الفضاء في ثوانـي=وبحر بهن وسط البحر سر وعجاب
ومهلـهـن وعنـهـن بالعنـانـي=ونسج لهن من واقع الشعر جلبـاب
ماهو على شـان التفاخـر وشانـي=من شان ربعي تاج راسي والأصحاب
ربعي هل الطالـه طـوال اليمانـي=مقر صيت ومنقع الطيب لـن غـاب
نـور القمر وسـود وجـه الزمانـي=يلقابهم نورن عـن الليـل شبـاب
ربعي بني عجويـن نعـم العوانـي=افعالـهـم مادونها ستـر وحـجـاب
البيـض تنصاهـم بيانـن عيانـي=يوم الليالي عـوج والوقـت غـلاب
مـــن لابةٍ تاريخها مـايـهـانـي=جمرة عـرب سطرلها المجد ماطـاب
بنـي رشيـد مزبنـت كـل جانـي=يوم المواقف شلف وسيوف وحراب
فوق المطيه والفـرس والحصانـي=والنصر مامولن بعكفـان الأشنـاب
خوينـا مـن سيـرتـه مايعـانـي=وعدونا يونس علي الكبـد مشهـاب
ودخيلنا بيـن الضلـوع المحـانـي=ماياصله بالوقـت قاصـد وطـلاب
والجار بالعليا ماهو بـاالـطـمـانـي=مجار عن هـم الليالـي والأسبـاب
والطيب يبقـى مـن عزازالمبانـي=مثل الصدوق اللي بهت كـل كـذاب
لن غاب عـن سد اللـزوم الهدانـي=يطلع بها فـي مطلـع المجد كسـاب
وانا وقفـت ووقفتـي فـي بيـانـي=واللي يقدم فـي مقـام الفخر نـاب
وبظيوفنا الوافيـن قاصـي ودانــي=يامرحبا ترحيب عـن كـل ترحـاب
يامرحبا ترحيـب مثـل الظمـانـي=مايقبـل التغيير لصحـاب واجـنـاب
مقـنـدن باالهـيـل وزعفـرانـي=فـي دلـةٍ يخـرم لها كـل شـراب
تنساق للي من عنـا البعـد عانـي=وكل وله قيمـه وتقديـر وحسـاب
بحضور شيخ ٍ بالفخر لـه مكانـي=شيخ ٍ سما سامـي سما اكبارألالبـاب
حييت يا مبـارك عريـب المجانـي=ياسيفنا المسلول في حـد ونصـاب
توجـت باالتاريـخ للمجـد بـانـي=ولاهي غريبه من عريبين الانسـاب
تعبـر مضيقـات البحـر للموانـي=وعبس العريقه معك في كل الأقطاب
يابو معاذ المـدح بـك ماعصانـي=تتبختر الأبيـات والشعـر ماهـاب
عشرك عشر تبقى ماترجـع ثمانـي=عزمك جبل راسي من الوقت مـاذاب
نبراس راس المجـد سـر وعلانـي=مرقاب عز ما نبـاء عنـك مرقـاب
حـرٍ ولـد حـرٍ شهـر مايـدانـي=الإ العوالي وشـرف ربـع واحـزاب
ولو جيت اعـدد طيبكـم ماكفانـي=بدع القصيد وكـل مانطرقـه شـاب
اجهود ماتحصـى بنطـق اللسانـي=ولا تنحصر في منهج اكتاب وكتـاب
والطيب يبقى مـن عـزاز المبانـي=مثل الصدوق اللي بهت كـل كـذاب

صح لسانه
والنعم بالعجاونه وبني رشيد
لاهنت

صح لسانك والله يعطيك العافيه علي النقل

صح لسان الشاعر مشعل لويفي ويعطيك العافيه على النقل

قصيده جزله صح لسان الشاعر وبيض الله وجهه و شكرا لك

قصيده جزله من شاعر جزل من شعرائنا الكبار شكرا لك

صح لسان الشاعر مشعل لويفي ويعطيك العافيه على النقل

صح السانك وبيض الله وجهك

صح السان الشاعر \ مشعل لويفي وبيض الله وجهه

صح لسان الشاعر وبيض الله وجهه

ننننننععم والله

صح لسانه وبيض الله وجهه يعطيك العافيه على النقل

صح

السان الشاعر \ مشعل لويفي وبيض الله وجهه

صح لسان الشاعر مشعل لويفي ويعطيك العافيه على النقل

يعطيك الف عافيه على هاالقصيده الجزله من شاعر جزل مثل وتقبل مرور