عجاونة والعلم مثنى ومردود..

قصيدة الشاعر دغيّم بن حامد ابن عجوين الرشيدي, قالها في حفل العجاونة من بني رشيد لتكريم الشاعر الأديب ناصر بن عياضة ابن عجوين الرشيدي , الذي أقيم يوم الجمعة بتاريخ 5 /1/ 1435 هجري, وتعتبر قصيدة من عيون الشعر ذات مغزى كبير وعلى مايبدو أن المثل القائل "المرقب العالي هبوبه قوية" ينطبق على شاعرنا دغيّم معنى ومضمونا ًفهو شاعر له وزنه و ابن شاعر علم الشاعر المشهورحامد ابن عجوين شاعر بني رشيد في زمن الوغى عندما كان الشعر فروسية وأخلاق.

بمناسبة تكريم ناصر عسى يعود=سلام من صدر(ن) كبير إنشراحه
يستاهل التكريم ويستاهل الزود=رجل (ن) خدم ربعه وأعلن نجاحه
قالوا تشارك قلت لي حق ياحمود=الله يبيض وجه منهو أقتراحه
جيتك وأنا شاعر ومن عادتي الزود=بقول لك شعري بكل الفصاحة
ليا زهموني لابتي قلت موجود=اليوم ماعني وعن الصراحه
ربعي بني عجوين لي عضد وزنود=عيال رجال (ن) بعيده شباحه
لو أختلفنا براي مابيننا حدود=عينين في راس (ن) تهفه رياحه
يمكن تجي كلمة على غير مقصود=ويشيلها رجل (ن) قليلن فلاحه
يلعب على الحبلين في البيض والسود=وليا تهيا له طريق أستباحه
يشبها من نار من بارد العود=ويشغل من الحيز شوية مساحه
مافيه تفريق (ن) ولافيه منقود=من طاب فينا ماخفضنا جناحه
من عصرنا الأول لنا ذكر محمود=من زارنا يثني علينا ارتياحه
من يومها شلفه خنجر وبارود=حنا لنا في مهبة الريح ساحه
عجاونه والعلم مثني ومردود=ليا وردنا العد نشرب قراحه
فينا الكرم والطيب والفخر والجود=وفينا علوم المرجله والسماحه
من يوم حنا نتبع النو والذود=والطيب حنا لابسين وشاحه
مثل البحور العايمه وأكثر وزود=يغرقها من لايجيد السباحه
صديقنا مايلفحه حر وبرود=وعدونا ياقرب والله مطاحه
كل القبايل تاخذ الحق وترود=وكل (ن) ليا جاء العلم شطر سلاحه
ختامها صلوا على سيد الجود=نبينا شال الجهل ثم زاحه

صح لسان الشاعر الكبير ابو حامد و بيض الله وجهك ناصر على نقلك لهذه الرائعه
والممدوح يستاهل

صح لسان الشاعر الكبير ابو حامد و بيض الله وجهك ناصر على نقلك الجميل ويستاهل المدح الشاعر الأديب ناصر بن عياضة ابن عجوين

صح لسان الشاعر الكبير دغيم ابيات جميله جدا

صح لسان الشاعر الكبير ابو حامد ويستاهل ابو عمر

صح لسان الشاعر المبدع والمتميز ابو حامد وﻻهي غريبه عليه شاعر كبير ومتمكن
ويستاهل مؤرخنا وراوينا واديبنا ابو عمر
والشكر موصول للاخ ناصر على النقل المميز

صح لسان ابو حامد

صح لسان ابو حامد مليون ولايسدووون ولاهي غريبه الجزاله عليه قدها ويزود ابو حامد وابو عمر يستاهل التكريم وكل الشكر ياناصر النقل الرائع وبيض الله وجهك

من طاب فينا ماخفضنا جناحه صح لسااااانك على يابوحامد على القصيده الجزله ولاهي غريبه عليك ويستاهل ابوعمر كل خير التكريم والعلم الطيب

صح لسانك ابو حامد ورايتك بيضى ويستاهلون جماعتك

صحت أبدانكم جميع

صح لسان الشاعر الكبير ابو حامد و بيض الله وجهك ناصر على نقلك الجميل ويستاهل المدح الشاعر الأديب ناصر بن عياضة ابن عجوين

صح لسان الشاعر الكبير ابو حامد و بيض الله وجهك ناصر على نقلك لهذه الرائعه
والممدوح يستاهل

عجاونـه والعلـم مثنـي ومـردودليا وردنـا العـد نشـرب قراحـه

صح لسانك يابو حامد

ولاهي غريبة عليك

بيض الله وجهك