قصيدة مزوق العجوني بحفل الاستاذ صالح

ياهاجسي لادعيتك هات شعر جزيل
وابدع من الشعر مايعجب عقول الرواه
شاعرك ماهو ضعيف ولايحب الهزيل
مافيه دربن يودي للعلا مارقاه
اليوم يومي وانا ماجيت عابر سبيل
حضرت امثل هل الطاله كعام العداه
يامرحبا عند شيخن يعشق المستحيل
شيخن الى العز دايم سايرن في خطاه
على هلا وارحبوا والعود مع ريح هيل
وحيلن سمانن تقدم لضيوف بعشاه
هذا ولد طيب ماهو من سلاله بخيل
هذا ولد عز ماداج الردى في حماه
بالفعل يفرق عن الباقين ماله مثيل
مثل القمر لاسطع بالليل الاضلم سناه
يوم المواقف غدت مابين نار وفتيل
وراع الدعاوي تخبط من عماه بعماه
وقف وقال المواقف ماتحب الذليل
وحامى على العز لين انه وصل مبتغاه
وابوه يوم الكرم بين الاوادم ضئيل
وهو يخاشر ربوعه في عشاه وغداه
من روس قومن لهم بالوقت الاول حصيل
يومن كل وله بالوقت وجهن وجاه
اليا اعتلى العج واصبح للاصايل صهيل
ارداهم اللي يذري من لجى في ذراه
عيال جوهر هل الوقفات زبن الدخيل
في ضفهم يهتني ماشال هم الحياه
ومدحي لمثله ترا والله شين قليل
انا وشعري وماملك من قصايد فداه
الشاعر/مرزوق عبدالرحمن العجوني

صح لسان ابو خالد وبيض الله وجهك على النقل

صح السانك يا ابو خالد

صح لسانك ابو خالد يستاهل ابو احمد وانت كفو

صح لسانك يابو خالد وبيض الله وجهك ويستاهل ابو احمد