قصيده منقوله للشاعر سعد ابن عجوين

‏ياتل قلبي كل ماشفت زوله
‏تل أشقر شاف الحباري وردوه
‏الارض وعره والحباري جفوله
‏واليوم له يومين من يوم عشوه
‏نزر ولا اطلب ما يثني ميوله
‏والخوف لا هدوه ماعاد شافوه
‏على اللذي لوكان غيري حبوله
‏ابعد من الجوزاء على اللي تمنوه
‏العين نجلاء والحجاجين هوله
‏والخشم يشدا اللي على الحق سلوه
‏الغيد عقبه مثل ماطى رجوله
‏ولاهو بلا حقني على القول مشروه
‏الله يا ملحه وعنقه ولوووله
‏والجمرتين اللي مع الزين حلوه
‏اليااعترض مثل المهار الجفوله
‏واليا مشى مثل الحمام وتحلوه
‏غرو يعانقه الغنج والطفوله
‏الله يحفظ خطاه عن كل مكروه
‏شعر الغزل يزهاه عرضه وطوله
‏وان قلت به بيت على طول غنوه
‏لاهو بلاحولي ولاني بحوله
‏لاواهني اللي منه كل ماجوووه
‏الشاعر الكبير سعد ابن عجوين