لحول يابن آدم

لحول يابن آدم ضعيف ومسكين
لامرض ضاقت فيه حتى ثيابه
وإلياتعافى قام يضرب بحدين
قطع ظهور الناس خَص القرابه
تولج العربان والنَّاس ممسين
مافيه بيت كود ماطق بابه
الا متى هالحال طيب وبعدين
وهو لوانه جاه ورع غدابه
كنه وكيل ابليس بين المقفين
وكل على مشهاه سجل جوابه
كل وبه عيب به الناس دارين
بالستر ستر وبالترفع رحابه
يهون دين المال لكن به دين
بكره تشوفه شوف ماينحكابه
وكانك فطين بالاوادم فطينين
والذيب مابه نايف ماعوابه
منته مخلد ياسليل الميامين
عابر سبيل وللحياه انقلابه
ديناك هذي ماصفت للسلاطين
ولاصفت للأنبياء والصحابه
إلياخذت تاخذ من الزين والشين
بأمر الولي محد تحسب حسابه
عزت ذليلين وذلت عزيزين
ومن عاش بالدنيا يشوف الغرابه
وهذا هو ابن آدم من سنين ودنيين
مافيه شي أرضاه حضرة جنابه
والآدمي لو مامعه غير ثنتين
العافيه والستر خيرة زهابه
ووالله ماندري على وين ماشين
لكننا في وجه منش السحابه
اللي توجه له فجوج المصلين
مدري متى يهدم علينا ترابه
حنا بوجه مكون الكون تكوين
اللي نصلي له ونحفظ كتابه