رد الطيب

مغير رد الطيب والله هدني
بلي حداني عنه سُوَر المقبره
خذيت منك الموقف اللي سدني
والله مالك لو ركضت لنا غبره
ماطبت بك والله عشان تعدني
كم راح طيب ماتحريت خبره
والله لوان الجوع يمك حدني
ماجيت لك مادام بالراس نعره
لي كلمة الرجال ماني بدني
لوقيل ياجمال لم لك عشره
ألقى مع العربان شروى معدني
لاصار لعيال الحباري كوبره
ماغير ابوي ان كان عيا ردني
ولاخذيت الشور من راس المره
ماني بأنا اللي بس هات وودني
في ساقة العربان في كل دوره
خبل يحسب اللي يشده شدني
نعم يرفع به وهم حدره
لكن إليابديت مثلك بدني
طيب مهو بحروته مافيه ثمره