فزران لقب اطلق على الشيخ محمد بن عجوين من اطلقه وسبب الاطلاق

غزى بني رشيد تحت قياده الشيخ قاسم بن براك وكان محمد بن عجوين في اول شبابه وهذه اول غزوه له ونظرا لانها اول غزوه ولم يغزو من قبل كانت الصفراء الفرس التي قتل عليها حمد بن عجوين موجوده عند ابيه عواد وكان (...... )نسيب عواد موجود واراد ان يغزي مع بني رشيد فطلب الفرس من عواد لكي يغزي عليها فاعطاها اياه نظرا لصغر محمد وخوف الاب على ابنه . اخذ (..........) الفرس وغزى مع بني رشيد وركب محمد ذلول وسار مع الجيش فتجمعوا في مكان وارسل قاسم السبارات وجلس قاسم يخبط بالعصى على الارض ويتلفت على اخوياه يمين ويسار وكان رحمه الله فارس ذا نظره ثاقبه يعرف سيما الفروسيه بوجه الفارس ووقع نظره على محمد بن عجوين واطال النظر به قال : ( انت ولد عواد قال محمد : ايه قال قاسم : فرسكم وينها وكان يعرف الفرس نظرا لشهرتها فقد كان يغزي عليها حمد بن عواد بن عجوين وقد اشتراها عواد بخمس وثلاثين ناقه.. قال محمد : اعطاها ابوي(.......) سكت قاسم وجلس يخبط بالارض والتفت فجاءه الى محمد وقال : (اسمع اذا انت مثل اخوك حمد ابن عجوين والا بناخيك مناور راعي الريشا لايغير (......)على فرسكم نظهر على الابل مختلط دبدوبها والشماله والله ليغدي راسه مثل راس القرقور والله مايردلنا الحاشي). الشيخ محمد بن عجوين فارس بالفطره وكان يعلم ان ابيه لم يعطيه الفرس خوفا عليه فتوجه الى(......)
قال انزل عن الفرس قال معطينيها عواد قال حول فانزله وركب الفرس . يوم جن السبارات قال قاسم عنو يااهل الخيل وهم يغيرون ومحمد يمسك الفرس ويقصر لها ويمره ابن نونان قال محمد :خشر ياعم قال يرزقني ويرزقك الله ويمره الثاني قال محمد: خشر ياعم قال: يرزقني ويرزقك الله فلانهم فرسان ويرون محمد صغير وماعمره غزى متحاقرينه فلما شافوا الابل اللقحات والزمل شنق والعشاير شنق ومحمد يفك مصاريعها وهو يمر الاول قال خشر يالغليم قال محمد : يرزقني ويرزقك الله ويمر الثاني قال خشر يالغليم قال محمد يرزقني ويرزقك الله وهو يصفقها عبيدالله بن نونان بوجه محمد قال يالغليم انا سايق عليك جاه الله وجاه اللي تحتك لاتقطعني من خشرك قال الا الذال قال الذال مقطوع الخشر قال خشرتك ومحمد يفك مصاريعها ويشوف الهنديه بندق على قعود مع العشاير وخاف راعي الابل ياخذها ويمرها وياخذ البندق وبوجه على اللقحات والزمل ويزف الابل خمس وعشرين متن .قال واحد من الشيبان وهو يصيح انتم اخشرتم الغليم قالو ماندري عن ابن نونان اذا مااخشره انقطعنا يوم رجعواوتوسعوا ويجلس قاسم يعزل قال تعال يامحمد : خذ الخزيزه وخزيزه الفرس وخذ العايده للفرس وياخذ ثلاث لقحتين وجمل ويوزع على البقيه . وقاسم يمر محمد وهو يمسح على راسه قال(( فزران)) تضرلها لاخاب التعب فيك . اعجب الفارس والعقيد قاسم بن براك بفروسيه محمد بن عجوين رغم انها اول غزوه له فاطلق عليه هذا اللقب.

رحمة الله عليهم جميعا ً
من أجمل المواضيع التي تستحق القرْاءة والتمعن فيها سرد تاريخي منقطع النظير تشكر عليه .

لقد اطلعت على هذه القصه برغم انني لااعرف هل هي حقيقه ام لا ربما تكون حقيقه وربما تكون خياليه
يمكنك كتابة قصة عن أى شىء يخطر ببالك وحتى لو كانت خرافيه ﺃﺭﻳﺪ ﻣﻨﻚ ﻳﺄﺧﻲ ان اعرف ما دليلك على صحته و ماهو مصدره
بارك الله فيك

يعطيك العافيه اخوي العجوين على هذا السرد التاريخي المشوق دائما" رائع ونتمنى المزيد ونهنئك على المامك واهتمامك وتوثيقك للأسماء

شكرا لمروركم
اما بالنسبه للصريح اخوي بما ان لقبك الصريح وتريد اثبات لماذا لاتكتب اسمك الحقيقي ونطلعك على ماتريد رغم ان القصه معروفه عند كبار السن من العجاونه وعلى مايبدوا انك صغير بالسن لان القصه مشهوره وبها اسماء فرسان معروفين لهم ذريه نحترمهم ولكن هذه الحقيقه ولا نكتب غيرهاونحنوا لانكتب من نسج الخيال ولسنا بحاجه لذلك وكما قلت سابقا اكتب اسمك الحقيقي لاثبت لك اكثر ولكي نعرف هل انت فعلا صريح ام لا والا لن يقبل ردك مره اخرى .

الرجال افعال والتاريخ يشهد لراعي الصفراء محمد بن عجوين والرجال اللي فيها خير يعدون الحقيقه واذا كان عندك شك هذه مصيبتك والمشكله انك تقول تسمع القصه من قديم والى الحين ماتميز الصواب يالصريح يمكن انك صرح على الخطا ياحبيبي اللي ماله اول ماله تالي

مشكووور على النقل ومايشتشك الاخبيث الشريحه

الله يعطيك العافيه اخي العجوين
على ذكر مثل هذه القصه الخالدة
والقصص كثيره عنه رحمة الله عليه ،
ولي الفخر عندما تذكر قصه عن جدي الفارس محمد بن عجوين
والقصه هذه معروفه ودائماً ما تكون حديث المجالس عند كبار السن
تعليق انه عندما قال لهم خشر ماردوا عليه فجازاهم بالمثل قالو له خشر مارد عليهم
حتى قال ابن نونان انا سايق عليك جاه الله وجاه اللي تحتك قاله محمد خشر الخ ....
......هو ........... للمعلوميه .
التعديلات مصدرها الشيخ عتيق بن محمد بن عجوين ،
مع احترامي لكل الاعضاء الأعزاء وتعليقاتهم ، ..

الله يرحمه ويسكنه فسيح جناته الشيخ الفارس (فزران) محمد بن عجوين والله يبيض وجهك على هالقصة

مشكور اخوي العجوين على ذكر هذه القصة وهي قصة معروفه ومشهورةوهي تعتبر اول غزوة غزاها الفارس محمد بن عجوين
اما بالنسبة لصحة هذه القصةفقد ذكر في القصة ثلاث اسماء مشهورة(..........- ابن نونان_ الشيخ قاسم بن براك)وهذه اكبر اثبات لصحة القصة 0

الله يرحم الشيخ محمد بن عجوين ويسكنه فسيح جناته تعتبر هاذه القصه اجمل ماقرت في حياتي واشكرك اخوي العجوين على هاذه الجهد ويعطيك الف عافيه

الله يرحم الشيخ الفارس محمد ابن عجوين ويسكنه فسيح جناتة والله يعطيك العافيه اخوي العجوين على هذا الموضوع الاكثر من رائع

الله يرحم الشيخ الفارس محمد بن عجوين و ابن براك ويسكنهم فسيح جناته



واشكرك علي ذكر مثل هاذه القصص

مشكور اخوي العجوين على القصة

اما بالنسبة للعضو الصريح فسوف اكتفي برد العضو ميامي (الي ماله اول اكيد ماله تالي)فلو ان الصريح لديه اسم يتشرف به بين الناس لدخل به من زمان ولكن اسمه واسم والده لايشرفانه فاضطر لأختيار اسم الصريح لكي يجنبه عن الأحراج اتمنى من الصريح ان يبحث عن اصله ونسبه بدل من ان يبحث عن مصادر قصص اكبر منه حجما وقدر00000000000000000000