خايلت براق للمبدع سعد بن ملفي بن عجوين

خايلت براق شعاني رفيفه=يشعى بنات الريح في لجة الذات
تبيه نفسي والهبايب عنيفه=مقيد ومقنن لي مسافات
مااقول انا الاول ولاني وصيفه=لكن لي في غبة البحر عومات
خيره ومع مافات قبله بضيفه=مادامي مسير وعندي قناعات
مكثر عسوس البحر في حد سيفه=ويا قل من له بالتباريح بصمات
وترى الولد لامد يرجى نكيفه=وياكثر ناس مثل ماروحت جات
وان كانها لاجات ماهي منيفه=الستر زين والفيافي وسيعات
والله يبيض وجه من كنت ضيفه=واللي دعاني والجمايل ثقيلات
حنا بخير وسترامن ووظيفه=عز ورخى وامورنا مستتبات
نعرف الربيع ووش توالي خريفه=ضجة حوالينا ولكن سلامات
الشعب وافي والحكومة نظيفه=على العهد ماهي بكذب وخيانات
يالله عسى كل الدعاوي خفيفه=دنيا تقلب والعرب راحت شتات
وش في صدر باكر ووش في رديفه=يالله سترك ياعليم الخفيات
والدرب موحش والليالي مخيفه=كم باقي في دفتر العمر صفحات
سؤال صعب وكل نفس تعيفه=ويصير كل الكون في عينك حتات
خلك نظيف وخل نفسك عفيفه=واصبر ولوتجرع من الوقت لوعات
اما تعيش الوقت عيشه شريفه=والا تموت بظل رب السماوات
ولي نظرة وشروطها بالنصيفه=اضحك ولاتندم على كل مافات
نوب الزعل يفرق وليف ووليفه=لو كان كل الوقت ضحك ومسرات
ادمح ترى بعض الخساير كليفه=ابليس حي وخيبت السد لحظات
وسامح رفيقك وامشله حسب كيفه=لأنك بتبكي كان قالو ترى مات

صح اللسانك يابوملفي وبيض الله وجهك

صح السانك ويعطيك العافيه

صح لسانگ ياپوملفي والى الامام ياشاعرنا بالتوفيق ياپو ملفي

من جد روعه بالتوفيق

قصيده جزله من شاعر جزل والله يعطيك العافيه ياابو اسيل بس تمنيت من الي نزل القصيده يكون تنسيق القصيده افضل من كذا وتقبل مروري

صح لسانك والله قمة الابداع يابو اسيل


اما تعيش الوقت عيشه شريفه= والا تموت بظل رب السماوات
ولي نظرة وشروطها بالنصيفه= اضحك ولاتندم على كل مافات
نوب الزعل يفرق وليف ووليفه= لو كان كل الوقت ضحك ومسرات
ادمح ترى بعض الخساير كليفه= ابليس حي وخيبت السد لحظات
وسامح رفيقك وامشله حسب كيفه= لأنك بتبكي كان قالو ترى مات



سعد الابداع سعد الرجوله سعد الشهامه سعد النخوة والله العظيم يخونني التعبير في ذكر محاسن سعد لكن الى الامام يابو اسيل ولا تحرمنا من جديدك عطرت المنتدى .

صح لسانك وبيض الله وجهك يابو اسيل والله ان عبيد ما قال الا الصحيح والله يخليك ذخر لنا انت وامثالك

الله الله الله كم انت مبدع
بيض الله وجهك

صح لسانك علي هذه القصيده الرئعه

قلمك رائع وعزفك جميل


وبداية ولاروع مع الشعر
لا جف لك حبر

و دمت لنا بكل خير و ود

قصيده رائعه من شاعر رائع والقصيده تعبر عن نفسها صح الله لسانك ابو اسيل

صح لسان الشاعر سعد ويعطيك العافيه على النقل

صح لسانك ابو اسيل

صح لسانه سعد ملفي شاعر مبدع وأنا من أشد المعجبين بجزالة آشعاره وماتحمله من معاني ساميه

ماأقول أنا الأول ولاني وصيفه __ لكن لي في غبة البحر عومات

قريبا سيكون الأول بلاوصيف إذا أستمر على هذا النهج

وترى الولد لامد يرجى نكيفه=وياكثر ناس مثل ماروحت جات
وان كانها لاجات ماهي منيفه=الستر زين والفيافي وسيعات
قصيده في قمه الروعه والجمال وبيض الله وجهك ياأبو اسيل وصح لسانك ....ويعطيك العافيه ع النقل

صح لسانك علي هذه القصيده الرئعه