بسمي وبسم مزبنين الجلاوي...

11-23-2012

قصيده القيتها بحفل زواج الاخ الغالي النقيب منصور بن خنيفر بن عجوين

بسمي وبسم مزبنين الجلاوي=ربعي حمول الخيل والدرع والطاس
حي الله اللي جاوبوا لدعاوي=وجونا يزفون الغلا صدق واحساس
عند الكريم اللي للامجاد حاوي=اللي كسب قوله نعم بي الاجناس
قرمن على فعول المراجل شفاوي=يرقى سنود وقفته ترفع الراس
من لابه لامن حدتك الحداوي=صفت معك لودونك تضيق الانفاس
اهل الفعول اللي عليها المناوي= يوم الرماح وجدعه السيف لراس
افعالهم ماهي مجرد حكاوي=والا سوالف حبر من فوق قرطاس
لا والله الا فوق فوق الهقاوي=اهل البيوت اللي عمدها على ساس
في ضفهم يمس الضعيف غناوي=ويعيش عمره ماشكى الضيم والباس
لاصاح باسم مكثرين العزاوي=في موقفن يضرب به اخماس باسداس
جته الجموع مسنعه كل غاوي=مجسرة من صاب رجليه حباس
عقب لهم راع الجواد الرهاوي=خيال صفراء ذكرها بين الافراس
بيضاء صدح في ذكرها كل راوي=عدت لهم ناموس وتضل نوماس
اللي فزع واكرم فريقن عناوي=في ليله تسمع بها طق الاضراس
ماقال برد وكيف هالبرد ياوي=والا بيلقى غيرنا ربع واوناس
هذا الصحيح وخل عنك الهباوي=اللي هرج في هرجه مالها ساس
اترك علوم ابو حقب والحداوي=واخذ الكلام اللي من الراس لراس
يظهر فعل راع اليمين النداوي=ويدفن فعل قوم التمكيج والالباس
ولاخير في راع العلوم الدناوي=ولاخير بلي في قفى الربع عساس
يخطي يحسبن الحياوي عماوي=حتى يوقع في قفى راسه الفاس
الرجل مايسمع لغى كل ثاوي=يرفع مقامه عن مدورة الادناس
وانا لياخاويت والله مخاوي=الا شجاعن لحتمى العلم مقباس
اما الردي في ذمتي مايساوي=ماطى رجل والا بعد قطعه انحاس
واجي لربعي لادعوني حماوي=واقف لهم لاصفت الناس لناس
وفي مدحهم ماني خجول وحياوي=لاوالله الا رافعن هامه الراس
واختامها عند العديم النداوي=حياكم الله قلتها بصادق احساس

وسلامتكم